09.12.2021 17:31
Ana səhifə | Haqqımızda | Bizimlə əlaqə  
    
 
  Son tərcümələr

  Bakı Naxçıvanla əlaqəni istənilən yolla bərpa etmək əzmindədir
 
09.12.2021
Nezavisimaya qazeta, Rusiya
 

  Azərbaycana “Nobel”li ziyarət
 
08.12.2021
Hürriyet, Türkiyə
 

  Azərbaycan 10 erməni hərbi əsiri azad edib
 
07.12.2021
L’Orient-Le Jour, Fransa
 

  İran və Azərbaycan prezidentlərinin görüşünə baxış
 
02.12.2021
Nournews, İran
 

  Yaxın Şərq və Avrasiyada sülh mümkündürmü?
 
02.12.2021
THE JERUSALEM POST, İsrail
 

 
 
Azərbaycan fransalı turistlər üçün sərhədlərini açır

 
 



TourMag, Fransa
10.09.2021


On səkkiz aylıq fasilədən sonra Azərbaycan Fransa vətəndaşlarına vizaların verilməsini bərpa edib. Artıq o, 38 ölkədən turistləri qəbul etməyə hazırdır.

Sentyabrın 6-dan etibarən vaksin olunmuş fransalı səyahətçilər Azərbaycana karantində qalmadan səfər edə bilərlər. Ölkə rəhbərliyi onlara “ASAN Viza” sistemi vasitəsilə elektron vizaların verilməsini bərpa edib.

Azərbaycanın Nazirlər Kabinetinin qərarına əsasən, bu il sentyabrın 6-dan etibarən daha 12 ölkə, o cümlədən Fransa ilə hava əlaqəsi bərpa olunur. Beləliklə, həmin ölkələrin vətəndaşları yenidən “ASAN Viza” sistemi vasitəsilə elektron viza ala biləcəklər. İndi bu, ümumilikdə 38 ölkəni əhatə edir: Almaniya, Səudiyyə Ərəbistanı, Avstriya, Bəhreyn, Belçika, Kanada, Çin, Xorvatiya, Danimarka, Birləşmiş Ərəb Əmirlikləri, İspaniya, Estoniya, Finlandiya, Fransa, Yunanıstan, Macarıstan, İslandiya, İrlandiya, İsrail, İtaliya, Yaponiya, Latviya, Litva, Lüksemburq, Malayziya, Malta, Niderland, Polşa, Portuqaliya, Qətər, Çexiya, Böyük Britaniya, Serbiya, Sinqapur, Slovakiya, Sloveniya, İsveç və İsveçrə.

Sadalanan ölkələrdən olan turistlər, həmçinin Azərbaycana iş üçün getmək istəyənlər artıq oraya daxil olmaq üçün artıq Nazirlə Kabinetindən xüsusi rəsmi icazə almalı olmayacaqlar. Doğrudur, ölkənin quru sərhədləri hələ də bağlıdır. Lakin sadalanan ölkələrdən Azərbaycana uçanlar aeroportda karantinə alınmayacaqlar.

“Azərbaycan Hava Yolları” şirkətinin saytında yerləşdirilmiş məlumatda deyilir ki, müvafiq ölkələrdən gələn xarici vətəndaşların Azərbaycana daxil olmaları üçün aşağıdakı sənədləri təqdim etmələri kifayətdir:

• (yaşı 18-dən çox olan sərnişinlər) COVID pasportu (yaxid tam vaksinasiya sertifikatı və ya COVID-19-dan sağaldığını təsdiqləyən rəsmi sertifikat), həmçinin yola düşməmişdən 72 saat əvvəl verilmiş COVID-19 testinin (PCR) neqativ nəticəsi ilə bağlı sertifikat. COVID pasportu və ya immunitet sertifikatı elektron yoxlanma xüsusiyyətinə malik olmalıdır. Bu sənədlər aeroportda qeydiyyat zamanı yoxlanılacaq;

• (yaşı 1-dən 18-dək olan sərnişinlər) yola düşməmişdən 72 saat əvvəl verilmiş COVID-19 testinin (PCR) neqativ nəticəsi ilə bağlı sertifikat;

• (yaşı 1-dən az olan sərnişinlər) onlar üçün COVID pasportu və PCR testinin nəticəsi tələb olunmur.

“ASAN Viza” sistemi vasitəsilə elektron viza almaq üçün Azərbaycanın rəsmi evisa.gov.az portalı və ya sadələşdirilmiş qaydada “Action-Visas” vasitəsilə müraciət etmək olar.

Azərbaycan üçün elektron viza turizm, biznes, humanitar və ya tibbi məqsədli səfərlər üçün maksimum 90 gün müddətinə keçərlidir.

(Fransız dilindən tərcümə - WorldMedia.Az)

Mənbə: TourMag

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az