06.10.2022 05:52
Ana səhifə | Haqqımızda | Bizimlə əlaqə  
    
 
  Son tərcümələr

  Əliyevdən Avropaya “Bayraktar TB2” etirazı
 
16.04.2022
Haber7, Türkiyə
 

  Xocalı qurbanları üçün ədalət, Azərbaycan və Ermənistan üçün isə yol axtarışı
 
09.03.2022
STARS AND STRIPES, ABŞ
 

  UNESCO Qarabağ münaqişəsinə birdəfəlik son qoya bilərmi?
 
03.03.2022
The National Interest, ABŞ
 

  Fars körfəzinin neft ölkələri Qafqaza bərpa olunan enerji ilə bağlı bacarıqlarını təklif edir
 
02.03.2022
Forbes, ABŞ
 

  Putin ilə Əliyev qarşılıqlı müttəfiqlik bəyannaməsi imzalayacaqlar
 
21.02.2022
RİA Novosti, Rusiya
 

 
 
VİDEO| Lahıcdakı yüksək ixtisaslı sənət

 
 



Euronews, Aİ
12.10.2021


Azərbaycanın Lahıc kəndi Niyaldağ silsilələrinin yamacında, Bakıdan qərbdə, avtomobillə təxminən 3 saatlıq məsafədə yerləşir. Onun daş döşənmiş dar küçələri, çay daşlarından tikilmiş evləri, emalatxana və dükanları indi də bir əsr bundan əvvəlki kimi görünür.

Lahıc tarixən sənətkarlar kəndi kimi tanınıb. Burada dəri istehsalı və xalçaçılıqla da məşğul olurlar. Amma o, misgərliklə məşğul olan sənətkarlar sayəsində məşhurlaşıb. Misdən hazırlanan dekorativ məmulatlar balaca kəndin rəmzinə çevrilib.

Kəbləyi Əliyev (misgər): “Bu dükanın 300 yaşı var. Bura 1725-ci ildə açılıb və indiyədək fəaliyyət göstərir. Mənim əcdadlarım, ailəmin hər bir üzvü – ulu babalarım, əmilərim, onların övladları bu dükanda çalışıblar. Mən isə 5 yaşımdan burada işləyirəm. İndi 50 yaşım var. Mənim övladlarım burada çalışan 8-ci nəsildir”.

Misgərlik metallurgiyanın ən qədim sahələrindən biridir. Mis məmulatların istehsalı və bəzədilməsinin tarixi min illərə, yəni insanların ilk dəfə torpaqdan metal çıxarmağı öyrəndiyi dövrə qədər uzanır. Amma bu illər ərzində misgərlik sənətinin üsulları çox az dəyişib. Yerli misgərlər hələ də dəmirçi çəkici və xüsusi metal qələmlərdən istifadə edirlər. Bu, güc, dözüm və səbr tələb edən ağır işdir.

Hacı Əliyev (nəqqaş): “Kəbleyi misdən bu qabı düzəldir, qalaylayır və mənə gətirir. Mən onun üzərinə naxış vururam. Hər qab unikaldır. Müxtəlif qablara eyni naxışı vurmaq olmaz. Mənə qabların forması ilham verir. İstifadə etdiyim yeganə alət metal qələmdir. Qabın üzərinə karandaşla naxış çəkmirəm. Onu vurmazdan əvvəl isə xəyalımda təsəvvür edirəm”.

Lahıcda hazırlanan mis qablar Parisin Luvr muzeyi daxil olmaqla, dünyanın ən məşhur muzeylərində nümayiş etdirilir. Onları yerli əhali də yüksək qiymətləndirir.

Kamal Əliyev (“Lahıc” Dövlət Tarix-Mədəniyyət Qoruğunun direktoru): “Lahıcda mis emalının tarixi əsrlərə uzanır. Biz dəqiq bilirik ki, burada hətta XI əsrdə belə, mis qablar hazırlanıb. Bundan başqa, arxeoloqlar Azərbaycanın müxtəlif yerlərində orta əsrlərdə Lahıcda hazırlanmış mis sikkələr tapıblar. Hələ 1923-cü ildə Lahıcda 200-dən artıq misgərlik emalatxanasının fəaliyyət göstərdiyi məlumdur”.

Misgərlik sənəti 2015-ci ildə UNESCO-nun Ümumdünya İrsi siyahısına daxil edilib.

(İngilis dilindən tərcümə - WorldMedia.Az)

Mənbə: Euronews

 
          

Saytın materiallarından istifadə zamanı worldmedia.az-a istinad mütləqdir  

© 2016-2022, WorldMedia.az