06.10.2022 05:35
Ana səhifə | Haqqımızda | Bizimlə əlaqə  
    
 
  Son tərcümələr

  Əliyevdən Avropaya “Bayraktar TB2” etirazı
 
16.04.2022
Haber7, Türkiyə
 

  Xocalı qurbanları üçün ədalət, Azərbaycan və Ermənistan üçün isə yol axtarışı
 
09.03.2022
STARS AND STRIPES, ABŞ
 

  UNESCO Qarabağ münaqişəsinə birdəfəlik son qoya bilərmi?
 
03.03.2022
The National Interest, ABŞ
 

  Fars körfəzinin neft ölkələri Qafqaza bərpa olunan enerji ilə bağlı bacarıqlarını təklif edir
 
02.03.2022
Forbes, ABŞ
 

  Putin ilə Əliyev qarşılıqlı müttəfiqlik bəyannaməsi imzalayacaqlar
 
21.02.2022
RİA Novosti, Rusiya
 

 
 
SOCAR hasilat zamanı sıfır karbon emissiyasına nail olmağa çalışır

 
 



Reuters, Böyük Britaniya
21.12.2021


Müəllif: Nailə Bağırova

Azərbaycan Dövlət Neft Şirkətindən (SOCAR) “Reuters”ə bildiriblər ki, qurum 2022-ci ilin əvvəlinədək yataqlarda neft-qaz hasilatı zamanı sıfır karbon emissiyasına nail olmağa çalışır.

Neft-qaz hasilatçısı olan, Paris iqlim sazişini imzalamış Azərbaycan 2050-ci ilədək “karbon neytrallığı”na nail olmağa can atır. “Biz 2010-cu ildən bəri Dünya Bankının “Səmt Qazının Məşəldə Yandırılmasının Azaldılması üzrə Qlobal Tərəfdaşlıq” (GGFR) proqramı çərçivəsində bunun üzərində işləyirik”, - deyə SOCAR-ın ekologiya üzrə vitse-prezidenti Rəfiqə Hüseynzadə şirkətin “karbon neytrallığı” ilə bağlı hədəfləri haqda danışarkən bildirib.

Yeri gəlmişkən, SOCAR-ın yataqlarından karbon emissiyaları 2012-ci ildə 9-10% təşkil edirdisə, son dövrdə bu göstərici 2%-ə qədər azalıb.

“2022-ci ildə “karbon neytrallığı”na nail olacağıq”, - deyə R.Hüseynzadə vurğulayıb.

Onun sözlərinə görə, karbon emissiyaların azaldılması yalnız karbohidrogen resursların hasilatı prosesi ilə bağlıdır: “Odur ki, birbaşa hasilata aid olmayan bəzi karbon emissiyaları yaranacaq”. Digər tərəfdən, SOCAR tərəfdaşları ilə birgə hazırladığı layihələr üçün iqlim hədəfləri təyin etməyib.

Şirkət bu ilin yanvar-oktyabr ayları arası öz yataqlarından 6,58 milyon ton neft və 6,55 milyard kubmetr qaz hasil edib. Bu, ölkənin ümumi neft-qaz hasilatının təxminən beşdə birini təşkil edir.

SOCAR bir sıra yataqlarda BP və başqa Qərb şirkətləri ilə birgə fəaliyyət göstərir. O, karbon emissiyalarının azaldılması məqsədilə istismar vaxtı başa çatmış yataqları bağlayır, infrastrukturu və avadanlıqları yeniləyir.

“Görülən işlər sayəsində indi 300-600 min kubmetr əlavə qaz əldə edirik. Bu həcmdə qaz son 20 ildə sadəcə yandırılıb”, - deyə R.Hüseynzadə qeyd edib. O, bildirib ki, SOCAR “Neft daşları” və “Günəşli” kimi dayazsulu yataqlarda ekoloji təmiz texnologiyadan istifadə edərək, illik qaz hasilatını 2 milyard kubmetrədək artıra bilər.

SOCAR və BP bəyan edib ki, onlar tullantıların idarə edilməsi sahəsində, həmçinin təmiz sənayedə birgə fəaliyyət göstərərək “yaşıl enerji”ni inkişaf etdirəcəklər.

(İngilis dilindən tərcümə - WorldMedia.Az)

Mənbə: Reuters

 
          

Saytın materiallarından istifadə zamanı worldmedia.az-a istinad mütləqdir  

© 2016-2022, WorldMedia.az