20.01.2022 07:19
Ana səhifə | Haqqımızda | Bizimlə əlaqə  
    
 
  Son tərcümələr

  Qarabağın bərpası: 2021-ci ilin nəticələri
 
19.01.2022
Moderndiplomacy, Aİ
 

  Azərbaycan – Təbriz üçün prioritet
 
18.01.2022
TabrizeMan, İran
 

  2022-ci il Azərbaycanda “Şuşa İli” olacaq: bu, nə deməkdir?
 
18.01.2022
Eureporter, Aİ
 

  FOTOREPORTAJ| Azərbaycanın şimalında ucqar kənd: dəyişiklik astanasında
 
17.01.2022
The Washington Post, ABŞ
 

  Azərbaycan ötən ildə
 
16.01.2022
IRNA, İran
 

 
 
Cənubi Qafqazda sülh atmosferi: Türk dünyası birləşir

 
 



Türkiye Gazetesi, Türkiyə
27.12.2021


Türkiyə ilə Azərbaycanın təşəbbüsü regionda vəziyyəti normallaşdırır. Qarşıda region ölkələrinə fayda gətirəcək addımlar atılacaq. Ankara ilə Bakı üçün prioritet Türk dünyası ilə Türkiyəni quru yolu ilə bağlayacaq, iqtisadi inkişafa önəmli təkan olacaq Zəngəzur dəhlizinin fəaliyyətə başlamasıdır. Bu dəhlizin açılması ilə Türk dünyası uzun illər sonra yenidən birləşəcək.

Uzun illərdir qeyri-sabitliyin, toqquşmaların yaşandığı Cənubi Qafqazda Azərbaycanın İkinci Qarabağ müharibəsində zəfər qazanmasının ardından yeni proseslər başlayıb. Bu, Türkiyə ilə Azərbaycanın birgə səyləri ilə mümkün olub. Azərbaycan və Ermənistan rəhbərlərinin Soçi görüşü, Türkiyə ilə Ermənistanın münasibətləri normallaşdırmaq məqsədi ilə xüsusi nümayəndələr təyin etməsi və “3+3” əməkdaşlıq platformasının ortaya çıxmasından sonra normallaşma prosesi yeni mərhələyə qədəm qoyub.

“Türkiye Gazetesi” xəbər verir ki, indi bölgədə ticarət və iqtisadiyyatı canlandıracaq, region ölkələrinə fayda gətirəcək silsilə addımlar atılacaq.

Nəqliyyat və ticarət prioritetdir

Normallaşma prosesində prioritet nəqliyyat və ticarətdir. İlk addım kimi, İstanbul-Yerevan marşrutu üzrə çarter uçuşlarına başlanacaq. Xarici işlər naziri Mövlud Çavuşoğlu bu günlərdə verdiyi açıqlamada bildirib ki, artıq bəzi şirkətlər bu uçuşların təşkilində maraqlı olduqlarını bildiriblər. “Nəqliyyat Nazirliyi və Mülki Aviasiya İdarəsi ilə birlikdə təklifləri dəyərləndiririk. Bəzi şirkətlər yaxın vaxtlarda uçuşlara başlayacaq”, - deyə nazir qeyd edib.

Türk dünyası birləşəcək

Cənubi Qafqazda sülh və sabitlik istəyən Ankara ilə Bakının prioriteti Türk dünyası ilə Türkiyəni quru yolu ilə bağlayacaq, iqtisadi inkişafa önəmli təkan olacaq Zəngəzur dəhlizinin fəaliyyətə başlamasıdır. Bu dəhlizin açılması ilə Türk dünyası uzun illər sonra bu xətlə yenidən birləşəcək. Bu, eyni zamanda Naxçıvanla Azərbaycanın əsas hissəsinin quru yolu ilə birləşməsini də təmin edəcək. Naxçıvanlı iş adamlarının “Şərq-Qərb” nəqliyyat dəhlizinə çıxış əldə etməsi baxımından da əhəmiyyətli olan bu layihə Azərbaycan, Türkiyə və Naxçıvanın geosiyasi və geoiqtisadi önəmini artıracaq. Zəngəzur, xüsusilə tarixi İpək yolu kimi tanınan marşrutu canlandırmaqla, Şərq və Qərb dünyasında ticarətə təkan verəcək gücə sahibdir.

Gümrü-Qars yenə gündəmdədir

Münasibətlərin normallaşması halında Ermənistanın ilk gözləntisi 1993-cü ildə qapadılmış Gümrü-Qars dəmir yolunun yenidən fəaliyyətə başlamasıdır. Bu dəmir yolu Ermənistanın Azərbaycan ərazisi olan Dağlıq Qarabağı işğal etməsindən sonra Türkiyənin bu ölkə ilə sərhədini bağlaması üzündən 28 ildir fəaliyyətsizdir.

(Türk dilindən tərcümə - WorldMedia.Az)

Mənbə: Türkiye Gazetesi

 
          

Saytın materiallarından istifadə zamanı worldmedia.az-a istinad mütləqdir  

© 2016-2022, WorldMedia.az