20.05.2022 11:13
Ana səhifə | Haqqımızda | Bizimlə əlaqə  
    
 
  Son tərcümələr

  Əliyevdən Avropaya “Bayraktar TB2” etirazı
 
16.04.2022
Haber7, Türkiyə
 

  Xocalı qurbanları üçün ədalət, Azərbaycan və Ermənistan üçün isə yol axtarışı
 
09.03.2022
STARS AND STRIPES, ABŞ
 

  UNESCO Qarabağ münaqişəsinə birdəfəlik son qoya bilərmi?
 
03.03.2022
The National Interest, ABŞ
 

  Fars körfəzinin neft ölkələri Qafqaza bərpa olunan enerji ilə bağlı bacarıqlarını təklif edir
 
02.03.2022
Forbes, ABŞ
 

  Azərbaycan: Avropa İttifaqı üçün etibarlı və sınanmış tərəfdaş
 
21.02.2022
Eureporter, Aİ
 

 
 
Putin ilə Əliyev qarşılıqlı müttəfiqlik bəyannaməsi imzalayacaqlar

 
 



RİA Novosti, Rusiya
21.02.2022


Rusiya Prezidenti Vladimir Putin ilə Azərbaycanın dövlət başçısı İlham Əliyev fevralın 22-də Dağlıq Qarabağla bağlı razılaşmaların gedişini müzakirə edəcəklər. Bu barədə məlumatı Kremlin mətbuat xidməti yayıb.

“Fevralın 22-də Rusiya Federasiyasının prezidenti Vladimir Putin və rəsmi səfərlə Rusiyada olacaq Azərbaycan Respublikasının dövlət başçısı İlham Əliyev arasında görüş keçiriləcək. Siyasi, ticarət-iqtisadi və humanitar sahələrdə ikitərəfli münasibətlərin gələcək inkişafı ilə bağlı bütün kompleks məsələlərin müzakirəsi planlaşdırır”, - deyə məlumatda bildirilir.

Bundan başqa, Rusiya, Azərbaycan və Ermənistan liderlərinin Dağlıq Qarabağla bağlı 10 noyabr 2020-ci il, 11 yanvar və 26 noyabr 2021-ci il razılaşmalarının gedişi, o cümlədən Cənubi Qafqazda iqtisadi və nəqliyyat əlaqələrinin bərpası ilə bağlı tədbirlər də nəzərdən keçiriləcək: “Danışıqların yekunu olaraq, qarşılıqlı müttəfiqlik haqqında bəyannamə imzalanacaq ki, bu da Rusiya ilə Azərbaycan arasında münasibətləri müttəfiqlik səviyyəsinə çıxaracaq”.

Xatırladaq ki, 2020-ci il sentyabrın sonunda Azərbaycanla Ermənistan arasında uzun illərdən bəri davam edən Dağlıq Qarabağ münaqişəsi yenidən qızışmış, bu, dinc əhali arasında qurbanlarla nəticələnmişdi. O zaman tərəflər atəşkəsə nail olmaq üçün bir neçə uğursuz cəhd göstərmiş, lakin yalnız noyabrın 10-na keçən gecə Moskvanın vasitəçiliyi ilə üçtərəfli razılaşma əldə olunmuşdu. O zaman Azərbaycanla Ermənistan atəşin tam dayandırılması, həmçinin əsir və meyitlərin mübadiləsi haqda razılığa gəlib. Razılaşmaya əsasən, Yerevan Kəlbəcər, Laçın və Ağdam rayonlarını Bakıya qaytarıb, bölgəyə Rusiya sülhməramlıları yerləşdirilib.

(Rus dilindən tərcümə - WorldMedia.Az)

Mənbə: RİA Novosti

 
          

Saytın materiallarından istifadə zamanı worldmedia.az-a istinad mütləqdir  

© 2016-2022, WorldMedia.az